السلام عليكم

كثير منا هالايام هذي كذا حاله ,,

يجيب لك معلومه ! تسأله من وين جبت هالمعلومه ؟؟يجاوبك قالوا لي ؟؟

طيب يووم قالوا لك ياكمخه تروح على طول تقوله للناس \\


بعض الناس درنقه غبي مايفهم ..

تسأله على اي اساس جبت هالمعلومه

يقولك ياخي هم قالوا لي


ياناس \\

ياكثير مانسمع هالكلام وهالمعلومات ونروح ننقله بدون مانتأكد من صحة الكلام

ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..

<<<<<<<<<<<<< وش عنده عدة مسائل على غفله انشتاين

قريت معلومات الكل كان متيقن انها صحيحه .. وهي والله مادلت الصح .. ولا من جنبه

بعد ماقريته جلست افكر ,, غير هالمعلومات هذي ..

كم معلومه مغلوطه يتداولها الناس على انها معلومات صحيحه ؟

كثير كثير وااااجد

جزمت اني احط حد للخرابيط

بس قبل كل شي خلونا نستعرض على السريع بعض من هالمعلومات المغلوطه ../ !




بوه كثير من الناس يعتقد ان سم العقرب طريق القبر مايرده اي شي
والمعلومه هذي خاطئه \
قولوا لي ليش اقولكم ورااه


حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه على الفور

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. وانحر اقرب مركز صحي او مستشفى ..


مره من المرات كنا كاشتين وكان واحد معنا نايم يوم قمنا لقينا ثلاث عقرب قارصات خويننا
وكل عقرب تقول انا اقوى من الثانيه
الرجل الحمد لله كان محافظ على الورد اليومي

قمنا ووديناه للمستشفى والحمد لله مافيه اي شي بجسمه بفضل الله سبحانه


- وعلى فكرهـ .. ترى العقرب كائن غبي , اي شي قدامه يحاول يلدغه ..

يعني لو يصدم بـ جدار .. حاول انه يلدغ الجدار .. جد والله .. غبي صح






(مشينا نهضم )

اغلب مجتمعنا اليوم يجيك بعد اكل وجبه دسمه يقوول يالله نمشي نهضم وهو يجلس يمشى بالحواري والحارات يهضم وهذا اكبر خطأ

لان ؟؟

الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..

ينصح الاطباء بعد أكل وجبه دسمه .. انكـ تمدد رجيلاتكـ وتروق وتخلي الباقي على الجهاز الهظمي .. هو يعرف شغله ..
حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد

ما شافوهـ يمتر المكان ومن كيلو لـ كيلو ..




معلومه لاتاكل حلا واجد يجيك السكر
فيه اعتقاد خاطئ .. بأن أكل السكريات هو اللي يجيب مرض السكر ..!

والصحيح ان غدة البنكرياس هي سبب السكر ,,
اذا تعطلت غدة البنكرياس في احد اجسامنا فإنه لاتفرز الغده للجسم المضاد للسكر
فيسبب السكر ..


* ( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..
نصابه , والله انتس نصابه وملعوب عليتس ..
حتى كلنا ملعوبن علينا
البس او القط اصلا ماياكل الفأر
القط يلاحق الفار من باب التسليه فقط لاغير

وكثير من هالمعلومات \\
ولا انسى الاحاديث الموضوعه

اختم لكم كلامي بشي قصير
العلم والثقافه ماتطرق الابواب
من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..




واترك لكم باقي الموضوع

مرحبا ..





اخوي هذه المعلومه صحيحه ليست خاطئه ..
وايضاً معلومتك ليست خاطئه ..

فـ الاولى سبب لثانيه !

بمعنى كثرة تناول السكر او كثرة الامتناع عن تناول السكر بشكل مفرط يسبب خلل في الهرمون ( الانسولين ) الذي يفرزه البنكرياس .. الى ان يصبح حرق السكر او هضمه في الجسم عشوائي بسبب هذا الخلل الهرموني .. وهو ما يسمى بمرض السكري .. عفانا الله واياكم والناس اجمعين من الأمراض ..

،
،

ومعلومه ( مشينا نهضم ) صحيح ما قلته اخي 100 % فلا يصح المشي ( او أي نوع من انواع الرياضه ) بعد الاكل مباشره يجب الانتظار وقت كافي ليتم التمثيل الغذائي في المعده بشكل صحيح !

على الرغم المشي كـ رياضه مفيد جداً لكن بعد الطعام مباشره لا يكون مفيد !




شكراً على الموضوع كليجا