يتيمه

يتيمه · 24-11-2008, 12:43 AM

( يـتيــمـه )
مرت سبع سنين يا بوي من وقت فرقاك وقلبي الى هاليوم شمسه عتيمه

مرت سبع سنين فرقا وحسك وطرياك متوسد باوراق حزني القديمه

مرت سبع سنين وانا اتخضب بذكراك بدموعي اللي في عيوني مقيمه

من عجلت في رحلة الموت ممشاك وانا حياتي ما لها اي قيمه

البارحه في غفلة الليل اطراك قلبي ونادت آهتين فصيمه

ومرت بعيني صورة ايام دنياك واوقات كانت في حياتي عظيمه

ياما عطيت الناس من خير ما اعطاك ويا مسحت دموع ثكلي كليمه

وياما يمينك سابقت خير يسراك حتى يدينك شبهوها بغيمه

يابوي بنتك دربها صار اشواك ومعاد تمطر فارضها اي ديمه

واللي خبرته يحسب حساب يمناك واشد ظهري فيه عند العزيمه

ما مداك بس تموت يابوي ممداك الا وجا يهدي لعمري الهزيمه

ومابين غبنة ذاك وجروح هذاك وفراق كلي منه روحي سقيمه

وهذا انا يابوي من بعد فرقاك تذكار كنت وصار اسمي يتيمه

مع اعتذاري لشاعره : تذكار الخثلان .... لاني غيرت السنين لاني احس انها تحكي عني الله يرحم ابوي وابوها يارب وجميع المسلمين والمسلمات

...أخر ماحكى العشاق.." · 24-11-2008, 06:10 AM

قصيدة.. مؤثرة.. جدا..
عاطفـتها.. قوية.. وسامية..
،،

الله يرحـم امـوات المسلمين.. ويغفرلـهم..
،،
يعطيك العافية..
،،
،
...أشـ ـواق.."

الحائره · 24-11-2008, 12:35 PM

وصلت لشي جواتنا ما قدنا نعبر عنه بأقلامنا

الله يرحم ابوي وابوك ويرحم جميع اموات المسلمين

يسلم ذوقك ونقلك

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

مواقع صديقه