مرحبا ..

كيف حالكم أن شاء الله بخير ...

الشهر الماضي والدتي تعرضت لسرقة مباشرة وخطف للجوال .. اخذه من يدها وكانت في السيارة تكتب رسالة لوالدي بمناسبة ذكرى زواجهم، شباك السيارة مفتوح نصفه .. قام السارق بأدخل يده بأحتراف وسحب الجوال!!!
وركب سيارته مباشره اللي كان من شغلها قبل السرقة مستعد للهرب ..!!

ردة الفعل كانت صدمة مفاجأة على جرأته ووقاحته .. الوالد كان في داخل محل ما يعرف اللي حصل، المهم ألغيت خدمة الرقم والشريحة مباشرة.

بعد كم يوم السارق المعاكس .. شو حصل له ؟؟ قام يبحث ويحوس بالجهاز فيها ارقام وملفات وصور لصغار العائلة..

اتصل باحدى الارقام رقم وحده من خالتي بالرياض وقال انا سرقة جوال اختك وابغى ارجعه ندمت على الفعل من يوم سرقته وانا مو صاحي !!مرضت وما قدرت انام احلامي كلها كوابيس !! ما نعرف هو صدق ولا كذب ..

طبعا خالتي ما خلته بحاله .. يقول هو بنفسه لوالدتي انه مافيه سب ما سبته فيني .. يستاهل ..

اخذ رقم اهلي من خالتي واتصل عليهم واعتذر من امي وقالها كيف ارجع جهاز الجوال .. المهم بعد ما رجعه ..

شو شافت داخل جهازها .. اللي ندم على كلامه وعقل وتاب وقال انه مضطر ان يسرق لضائقة مالية مع انه خريج جامعي مثل ما يدعي !!

معجب بنفسه بزياده .. حط صور له داخل الجهاز .. متشيك وحاط جميع التسريحات اللي يعرفها

المصيبة مثل ما قالوا لي خواتي وامي انه وسيم .... انا صراحه ما شفت صورته ولا حبيت اشوفها لانه ما ستحق انه ينظر له، بالنسبة لي حقير حقير حقير

ما وقف على هذا .. راح وحاط عينه على اسمين من الموجودين بالشريحة .. اسمي ولقب لاختي ، بدأ مع اختي يرسل رسائل ويتصل ..

وبعدها بدأ معي .. كنت انام بدري وقتها ما اشوف المكالمات الا الصباح لما اصحى لانه يكون على الصامت .. واطنش

لحد ما جاء اليوم اللي اتصل فيني وانا تأخرت ما نمت لان البنت كانت مسهرتني وقتها.. كانت الساعه 12 ونصف الليل ..

رديت على الرقم لانه احيانا تجيني مكالمات من صديقات لي بأرقام من خواتهم ، او اقاربهم .. ونادرا ما تجيني معاكسات .. بس مكالمات خارجية ورسائل بالغلط.. وهذي تحصل لكثير من الناس.

المهم الخبيث ايش يقولي هذا الرقم لقيته بجوال اشتريته لونه اسود ، مع انه اكبر كذاب هو سرقه ورجعه .. وهي يقول في رساله منك على الجوال وهي عبارة عن معايدة بعيد الفطر وقالي وقت الارسال.. طبعا الجوال الخاص بأمي.. ويقولي تبغيني امسح رقمك او لا؟ معاكسات عيني عينك

شفتوا كيف انه حقير ؟ هدفه مو سرقة هدفه شيء ثاني .. فانتبهوا يا بنات من اشخاص زي كذا وخذوا بالكم

هو بيروح بأذن الله بخبر كان .. عندنا معلومات عنه .. بنسلمها مباشرة لهيئة الأمر بالمعروف ويتصرفون معه علشان ما يعيد كرته ولا يفكر مره ثانية يسويها .

هذا اللي رجعنا وراء.. تفكير.. مسخر.. للشغلات تفشل..
،،
كل يوم.. حركة.. للمعاكسات.. وتفنن فيها..
،،
الحقير.. راعي طويلة.. كل هالمشـوار.. ذا.. بجد غبي..
سرقة.. ورجعه.. وحط صوره.. فاضي.. والله..
،،
العام.. كانت تجيني ازعـاجات..
وبسبب صديقـة.. لي.. باعت جوالـها.. ولا مسحت الرسائل.. وشكلها كانت تحفظ الارقام..
بالهاتف مش بالشريحة..
المشكلة اني كنت ارسلـها من جوالي امي.. واخوي..
واقولهـا.. انا خلـود.. هذا رقم.. امي.. أنا خلود.. لا ترسلين لذا الرقم.. لانه لأخوي..
وزي كذا..
اول مرة رديت.. وقال لي.. انه اشترى جوال مستعمل.. وقال الموديل.. وقرأ الرسايل..
بنت الحلال ما مسحت شيء.. بتاتا.. رسايلي ورسايل صديقاتنا الباقيات..
وبعدها ما صرت ارد.. وصار كل صباح.. ومغرب..
يصبح ويمسي برسائل علي.. عاد كانت رسايله حـلوة..
باالاخير غيّر لي خالي الشريحـة.. وارتحت مـنه..
،،
المفروض يكـون في حرص.. ع الجوال..
وحفظ الارقام.. يكون ع الشريحة.. مش ع الهاتف..
،،
الله يستر..
،،
،
...أشـ ـواق.."

ناس فاضيه والله
شكل هذا عاطل ماعنده شغله ولامشغله
الله يحفظنا منهم
انا قد اتصل علي واحد ورديت لانو احسبه خالي <مثل رقمه
وطلع واحد يغازل
وقعد يتصل ويرسل رسايل لمده 3 شهور وانا مطنشه
اخر شي لما دق خليت اخوي يكلمه
من سمع صوته ماعاد دق ههههههههههههه
اي وحده مزعجها واحد خلي اخوك يكلمه او ابوك ماعاد تشوفين ازعاج منه
يسلموو على الموضوع انسام
سيآاِآ

اشكركم على المرور والردود ... اللي وضحت تفاعلكم مع الموضوع ..

الحائره والله صدقتي شكله ما عنده سالفه ويتغيبى ..!! والاكيد انه مريض

خلود عزيزتي كلامك صحيح المفروض يصير فيه حرص على الجوال والحفظ يكون بالشريحة ..

الرسايل اهون بكثير من الاتصالات، بأمكان تنطشيها وخلاص .. اما المكالمات مزعجة صراحة ..

خصوصا انهم يتسلطون اوقات أخر الليل والفجر!!


شهداء الغرام .. ايوه اذا سمعوا صوت رجال خافوا، طيب في الغالب ما يكون عندي احد بالبيت .. صرت اذا تعرضت لمعاكسات احول المكالمات لجوال زوجي وهو يتصرف .. واكون طبعا معطيته خبر بالموضوع

هع هع

طريقه خطيره

بجربها انا وكليجا

انا بالسياره وهو ينزل يسرق الجوال

وبعدين اذا شفته فعلا اخذ الجوال انحشت وخليتهم يمسكونه

علشان يتادب ما يوذي خلق الله





اختي انسام

الموضوع جدا مهم

شكرا لطرحه لكي ينتبهون البنات

بارك الله فيك

ههههههههههههههه

ما اظن بتنفع معكم .. لانها مكشوفه

بتنحاش يعني

الهيئة بتكون ورا السيارة مباشرة على طول ياخذونك بالجمس حقتهم

اروح كشنه على التخطيط ههههههههههههههههههههه

عساه مايمسك منصب عسكري ولا بيجيب العيد ...

انا فكرت بالموضوع قلت يمكن الاخ في البدايه سرق الجوال عشان يبيعه ولما شاف الاسامي والارقام فكرر انه يستغنى عن الجوال مقابل التعارف اول مره اشوف واحد يحاول يستفيد من موضوع ما سوى فيه شي

انا مدري وش يحس فيه لما يسوي كذا ....

بس ماله داعي خرب اللحظه الرومنسيه على امك .. جاء بوقت غلط هههههههه


الله يهديه ويبطل ازعاجكم