أناقة نصراوية ,, من كاميرتي الشخصية

ريمـا · 03-04-2008, 02:03 AM

في هذا اليوم المشرق الجميل

قررت أنا وبنت أخوي المصونه ( مبكيتهم ) ان نذهب إلى أحد المولات الكشخه بمدينة الرياض

وهذا بعد إحساسي من المغرب بأننا سوف نفقد البطوله هذا اليوم وسيحظى بها الفريق الخصم ( النــصـــر )

لذلك ؛ أخذت مبكيتهم وهيّا هجوله بالمول

من محل لمحل ,, ومن محل لمحل

وألتقط لكم والله بعض الصور من الملابس التي شاهدناها هذا اليوم

وقمنا بعمل كوليكشن رائع أنا ومبكيتهم ,, طبعاً هذا كان في لحظة ماأصحاب المحلات غافلين عنا ,, لأنو للأسف لما نسوي فيها أخلاق ونجي نستاذن عشان نصور

يفشلنا أبو هنود ويقول : مافي يقدر مدام ,, تصوير ممنوء من شركه

>>> الا ياسامعه الكلام

ونبدا الحين بالعرض :

هذا أول فستانين واجهناهم بأحد المحلات

صراحة أشكالهم توووحفه قبال بعض

وهاظ الله يسلمكم تنوره وبلوزه ,, مواكبين الحدث
جمعتها لكم مبكيتهم

وهذولي بنطلونين توأم جنب بعض
لقيناهم معلقين بهالشكل ,, فقلت خل آخذلهم صوره تذكاريه

وهذولي شحّاطات على قولة خواتنا في باب الحاره جمعتها لكم برضو مبكيتهم

عاد هالطقم الراقي متعوب عليه جداً في التصوير ,, لأنو المحل كان مليان هنود ومصاريه يشتغلون فيه ,, والعيون كانت علينا ,, وانا اللي ارسل مبكيتهم عشان تلهيهم ع بال ماأخلص من ارتكاب الجريمه وأحط رجلي

وهذولي نفس حركة البنطلونين اللي من شوي ,, برضو توأمين جنب بعض

هاظ عاد ماجازلي مره ,, بس قلت عشان مبكيتهم تعبت فيه وهي تضبطه عشان التصوير فلزوم أصفه مع أخوياه في ذا

عاد هذي التنورة يوم شفتها ,, وأنا اللي أفقع أمها ضحك بالمحل ,, حتى أصور وأنا مو مركزه من شدة الضحك

ملاحظه مهمه هنا : ترى هالتي شيرت وقسم ان الأيادي اللي جنبه مالها علاقه فينا لامن قريب ولامن بعيد ,, يعني لحد يطب علي يقول هذي انتي ؟!!

ويش أقول ويش أخلي عند هالفستان ,, اترك التعليق لكم هنا

عاد هالطقم المحترم أنا شكيت بالبدايه انه اللبس الرسمي لعمال البلديه ومضيع الطريق وجاي في ذا

^
^
^
الحين باللهي انت لك وجه من عقب فشيلتنا اليوم يومك مترزز بهالبدله ,, أكيد مالك وجه لأنك معطينا قفاك

وبكذا اتمنى انو الصور تكون نالت على استحسانكم ,, على أمل اللقاء بكم في مواضيع اخرى

ابو جدعه · 03-04-2008, 02:11 AM

حجززززززززززز

الحائره · 03-04-2008, 02:15 AM

وهـ بس
قمة الاناقه القديمه خخخخخخخخخخخخخ
من جد روعه... تستاهلين التقييم
وبجداره...
هههههههههههههههههههههههههه
حلوه الروح الرياضيه ياريمااا

ريمـا · 03-04-2008, 02:18 AM

اقتباس:

المشاركة الأصلية كتبت بواسطة جدوع باشا

حجززززززززززز

ناطرينك يالغلا

ريمـا · 03-04-2008, 02:20 AM

اقتباس:

المشاركة الأصلية كتبت بواسطة الحائره

وهـ بس
قمة الاناقه القديمه خخخخخخخخخخخخخ
من جد روعه... تستاهلين التقييم
وبجداره...
هههههههههههههههههههههههههه
حلوه الروح الرياضيه ياريمااا

شفتي شلون ياحيوره

هذي الأناقة على أصولها وإلا بلاش

مرورك الأروع غناتي

وتسلمين ياعمري على هالتقييم ,, فديت قلبك انا

easterly sweet · 03-04-2008, 02:21 AM

اومااا أنآآآقه

^

المفروض النصراويين يدخلون المنتدى وهم لابسين مثلها مشآن الفوز ,,

صبايا و شباب

اجل فله ياريما ,, رحتي المول في وقت المباراة

ســلآم

ريمـا · 03-04-2008, 02:30 AM

اقتباس:

المشاركة الأصلية كتبت بواسطة easterly sweet

اومااا أنآآآقه

^

المفروض النصراويين يدخلون المنتدى وهم لابسين مثلها مشآن الفوز ,,

صبايا و شباب

اجل فله ياريما ,, رحتي المول في وقت المباراة

ســلآم

هههههههههههههههههههههه

شفتي شلون سويت

هذي لاقالوا أناقة النصراويين

بس شرايك انتي ,, مو تووحفه من جد ؟!!

اقتباس:

اجل فله ياريما ,, رحتي المول في وقت المباراة

شفتي عاد

اقولك انا حاسه من المغرب انو مالنا نصيب في هالبطوله والله وتدق علي مبكيتهم وتلزّم علي إلا أروح معها
وأشوى اني رحت وماشفت المباراه وإلا كان طرطعت من الزعل

منوره دوم حبيبتي
مانحرمشي منك يارب

M!Ss - BaRBicaN · 03-04-2008, 02:38 AM

وهـ يااحبيلكم بس
والله انكم خطيــرين
حتى المحلات ماسلمت من المبارهـ

اللي حسيته شيء وشكلي بطمر بكرره
اشتريه اللي من ستردا فايروس

وانا اللي هبالني انهم تاركينكم
تسعوون
طيب ماشريتوا شيء من ذولي؟؟<<تحمست

ريمـا · 03-04-2008, 02:49 AM

اقتباس:

المشاركة الأصلية كتبت بواسطة M!Ss - BaRBicaN

وهـ يااحبيلكم بس
والله انكم خطيــرين
حتى المحلات ماسلمت من المبارهـ

اللي حسيته شيء وشكلي بطمر بكرره
اشتريه اللي من ستردا فايروس

وانا اللي هبالني انهم تاركينكم
تسعوون
طيب ماشريتوا شيء من ذولي؟؟<<تحمست

اجل عجبتك الملبوسات يابربيكانه
شفتي عاد
حتى المحلات خاشه جو مع المباريات

خلاص انتي لاشريتيه اسدحيه في ذا جنب خويه

وترى هم مو تاركينا بس مو دارين عنا ,, نشتغل سكاتي

وماحصلي الشرف والله اني اشري شي من المعروض أمامك هنا

عاد يازيني مصفره هالأيام وألبس اصفر زود على كذا
وش تبيني أطلع ,, شمس !!

M!Ss - BaRBicaN · 03-04-2008, 02:56 AM

خخخخخخخخخخخخخخخخ
بس سلاماات وش فيكـ مصفره؟؟

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

مواقع صديقه